2 Mitbewohner*inne für e neui WG im schöne Marzili gsuecht :)

Mi name isch Sebi (24, he/him) und ha vor churzem e tolli 3 Zimmerwohnig im Erdgschoss vomne Altbauhus im Marzili übernoh. **Für die zwöi freie Zimmer suechi ab sofort Mitbewohner\*inne.** Da au die restlechi Wohnig noni so richtig igrichtet isch, cha me no vil mitgstalte :) I freue mi uf dini Idee und gmeinsami Brockiusflüg! D Mieti pro Zimmer ligt bi 650 pro Monet (inkl. Näbechoste, ohni Strom). **Zur Wohnig:** Näbe de drü Zimmer mit schönem Parkett hets e Chuchi mit grad gnueg Platz fürne chline Esstisch und drü Lüt zum esse. Wenns mau meh lüt si chame ufe grümig Mittelgang uswiche. Ebefalls hets es moderns Bad mit Duschi und es dervo trennts WC. D Wohnig het zudem e eigete chline Garte uf der Rücksite und s Hus het vorne e grümige Gmeinschaftsgarte mit grossem Esstisch und Velounterstand. Usserdem wohne zwöi gueti Fründinne vo mir ir WG grad obedra - amne Summerfestli steit also nüt meh im Wäg :) **Über mi:** Ig bi der Sebi, 24i und bi e sehr e offene Mönsch wo gern redet und bi vilem derbi isch. Ig ha z Bern Geographie im Bachelor studiert und mache bis im nöchste Summer es Praktikum bim Kanton. Näbe dem bini z Solothurn politisch für d SP aktiv, mache gern öppis mit mit mine Fründinne und spile Handball, dementsprächend gits Wuche woni vil unterwägs bi. **Was ig sueche:** Ig sueche zwöi unkomplizierti, humorvolli und ufgschlosseni Persone imne ähnliche Alter für es lockeres und trotzdem gemeinschaftliches zämeläbe. Wenn sichs ergit fröi ig mi uf zäme öppis (vegi) choche, öppis spile oder unternäh. Idealerwis simmer e mixed WG :) Wenn das zu dir passt, schrib mer doch churz chli öppis über di. Ig freue mi uf dini Nachricht! **Ir nöchi:** \- Gela & Aare 1 min \- Bern HB zfuess oder mitm Marzilibähnli öppe 10 Minute \- Uni Hauptgebäude 15 Minute