StadthausWg

Für üsi 4er WG im herze vo Luzern, sueched mir ab September es neus WG gspänli. Üsi WG lieht 4gehminute vom HB und 3 vode Kappelbrugg. (wennt renne muesh sogar 2) Mir sueched öpert, wo gern mol amne obig mit üs zemesitzt, über gott und die welt schwäzt, eis mit üs trinkt, spieli spielt, cooli film luegt (meistens) und no für ganz viel witers. Trotz üsere lustige gmeinsame Ziet, ish es e Balance au immer wichtig, dassmer sich jederziet zruckzieh chan und sini me-time gnüsst. Für das ish es dehei shlussendlich au do. Damit du weish, uf wer du dich ilohsh, do was chlises zu üs: Über de Flo, von Jess: De Flo ish üses neuste WG-gspänli, het aber sitem August scho unglaublich viel i üsi WG brocht. Nebst dem, dasser immer füre guets gspröch zha ish, benutzt er üs au für sini erlernte cocktail-mixing kenntnis, woner im Cocktailkurs z’Amsterdam glernt het. Mitem Flo chash über Gott und die Welt rede und kei Thema ish ihm fern, da heisst, wennt eif mol es offes ohr bruchsh odrr aber au en rotschlag, de Flo ish do. Angst vor ihm muesch aber trotzdem ha, er het ez nämlich brazilian jiu-jitsu agfange! Über Jess, von Nils (üsen alte Mitbewohner): Nachdem du beidi text vorher duregläse hesch, muessi di leider enttüsche dass d jessica us st. Galle chunnt. Nid nur ihre dialäkt, sondern au d flachwitz muess me zweimol überdenke. Aber genau das macht sie so einzigartig! Ihri charmanti, dynamischi art und ihre herzerfrüschende humor möche jedi unterhaltig zumene erlebnis. Ihri energie isch echt ahsteckend. Sigs bim sport mache oder bim früsche iisbad im see, sie chame für jedi neui idee begeistere. Leider hets nonig so klappt sie züberzüüge au mol mitere gable zässe. Sie iist würklich alles mit em löffel... Jetzt weisch scho wer se ufbrucht het wenns kei suberi me het. Über de Andrin vode Jess: De Andrin ish selber erst sitem Januar mitdebi. Iglideret het er sich aber sho, als wär er sit langem do. Dementsprechend gseht au sis zimmer us (siehe bild). Näbst super Zimmer baue, chaner no vieles meh. Wennt gern feins esse hesh, bish do genau richtig und wennt glück hesh, wirsh gad iglade zum mitesse. De Andrin studiert Landshaftsarchitektur und deswege wirsh dir vllt eifach ganz viel Pflanzenäme alose müese (da ish aber gringe pris s‘zahle gegs feine esse) Er ish aber no vieles meh. Wennt je öpert zum zuelose/vollschwätze bruchsh, ish er de richtig und het immer es offes Ohr und en guete Ratschlag bereit. Sport chash mit ihm au mache. Mit üs allne, chash aber ganz cools züg mache, wie gsnz viel Velofahre mit de Jess und em Andrin, vode Jess de Berg duruf ghezt werde bim wandere, mitem Flo is jiu-jitsu oder aber au langi gspröch füere.